Şəkidə əsas kapitala yönəldilən investisiyanın 93,7 faizi tikinti işlərinə sərf edilib
Şəki, 5 may, Mustafa Dadaşov, AZƏRTAC
Cari ilin yanvar-mart aylarında Şəki rayonunda iqtisadi və sosial sahələrin inkişafı üçün bütün maliyyə mənbələri hesabına əsas kapitala 6 milyon 302,6 min manat investisiya yönəldilib. İnvestisiyanın 5 milyon 905,7 min manatı və ya 93,7 faizi tikinti-quraşdırma işlərinə sərf edilib.
Bu barədə AZƏRTAC-ın bölgə müxbirinə Şəki Şəhər Statistika İdarəsindən məlumat verilib.
Bildirilib ki, istifadə edilən investisiyanın 3 milyon 327 min manatı və ya 52,8 faizi dövlət, 2 milyon 975,6 min manatı və ya 47,2 faizi qeyri-dövlət mülkiyyətinin payına düşüb. Üç ayda rayonda 3 milyon 495,3 min manat dəyərində əsas fondlar istifadəyə verilib.
Hesabat dövründə tikinti təşkilatlarında çalışan işçilərin sayı 707 nəfər, onlara hesablanan orta aylıq nominal əməkhaqqı isə 561,8 manat olub.
Bölmənin digər xəbərləri
