ŞƏKİDƏ HEYDƏR ƏLİYEVİN XATİRƏSİNƏ HƏSR OLUNMUŞ TƏDBİRLƏR DAVAM EDİR
AZƏRTAC-ın müxbiri xəbər verir ki, tədbirdə çıxış edən texnikumun direktoru Töhrab Hüseynov ümummilli liderimiz Heydər Əliyevin Azərbaycan mədəniyyəti və incəsənətinin, o cümlədən musiqi sənətinin inkişafına daim böyük önəm verdiyini, ulu öndərimizin bu xəttinin indi Prezident İlham Əliyev tərəfindən uğurla davam etdirildiyini vurğulamış, respublikamızda sənət adamlarına göstərilən yüksək dövlət qayğısından danışmışdır.
Tədbirin sonunda tanınmış bəstəkar və şairlərin ümummilli liderimizə həsr etdikləri musiqi əsərləri ifa olunmuş, şeirlər səslənmişdir.
X X X
Şəki Dövlət rəsm qalereyasında ümummilli liderimiz Heydər Əliyevin xatirəsinə həsr olunmuş sərgi açılmışdır. Sərgidə Şəki rəssamlarının 100-dək rəngkarlıq və qrafika əsəri nümayiş etdirilir. Açılış mərasimində şəhər rəhbərliyi və ictimaiyyətin nümayəndələri, elm və incəsənət adamları iştirak etmişlər.
Bölmənin digər xəbərləri
