SƏMƏD VURĞUNUN 100 İLLİK YUBİLEYİ QEYD OLUNMUŞDUR
Məktəbin direktoru Rima Hənifəyeva şairin yubileyinin dövlət səviyyəsində qeyd olunmasından, öz böyük sənətkarına sonsuz məhəbbətindən danışmışdır.
Məktəbin dil-ədəbiyyat müəllimi Rəfiqə Ağayeva Səməd Vurğunun ürəkləri fəth edən poeziyasından söz açmışdır.
Müxtəlif təşkilatların nümayəndələri tədbirdə çıxış edərək, ürəklərdə yuva salmış sənətkarın ölməzliyindən, həmişəyaşar əsərlərinin tərbiyəvi əhəmiyyətindən bəhs etmişlər.
Məktəblilərin söylədikləri şeirlər, göstərdikləri ədəbi-bədii kompozisiyalar, “Aygün” poemasından, “Fərhad və Şirin” pyesindən səhnəciklər böyük maraq və rəğbətlə qarşılanmışdır.
Şairin qızı, Səməd Vurğun Fondunun prezidenti, ev-muzeyinin direktoru Aybəniz xanım Vəkilova atasından xatirələr danışmış, müəllim və şagirdlərə minnətdarlığını bildrmiş, fondun vəsaiti hesabına nəşr olunmuş nəfis tərtibatlı kitabı və disketi məktəb kitabxanasına bağışlamışdır.
Bölmənin digər xəbərləri
