“SƏNAYE TƏTBİQLİ OPTİMALLAŞDIRMA VƏ İDARƏETMƏ” ADLI II BEYNƏLXALQ KONFRANS İŞƏ BAŞLAMIŞDIR
AZƏRTAC xəbər verir ki, iyunun 2-də Rabitə və İnformasiya Texnologiyaları Nazirliyinin təşkilatçılığı ilə AMEA-nın Mərdəkan Dendrarisinin konfrans zalında “Sənaye tətbiqli optimallaşdırma və idarəetmə” mövzusunda II beynəlxalq konfrans işə başlamışdır.
Giriş sözü ilə çıxış edən rabitə və informasiya texnologiyaları naziri Əli Abbasov və ABŞ-ın İllinois Universitetinin professoru Tamer Bəşər tədbirin əhəmiyyətini vurğulamışlar. Qeyd edilmişdir ki, belə konfransların keçirilməsi dünyanın tanınmış alimlərinin son elmi nəticələrini Azərbaycan iqtisadiyyatının və sənayesinin problemlərinin həllinə cəlb edilməsi üçün imkan yaradır.
Tədbirdə mövzu ilə bağlı məruzələr dinlənilmişdir. Nəzəri biliklərin praktiki məsələlərin həllinə, tətbiqinə həsr olunmuş çıxışlarda elmin son nailiyyətləri və iqtisadiyyatın bir sıra problemləri, o cümlədən fövqəladə hallarla bağlı məsələlər barədə məlumat verilmişdir.
Konfrans çərçivəsində bu yaxınlarda Thomson Reuter Agencu təşkilatı tərəfindən reytinq cədvəlinə salınmış ilk Azərbaycan jurnalının təqdimatı olmuşdur.
Qeyd edək ki, tədbirin əhəmiyyətini və dünya alimlərinin marağını nəzərə alaraq, Fransanın Nant Universiteti növbəti konfransın Fransada keçirilməsi arzusu ilə bağlı Təşkilat Komitəsinə müraciət ermişdir.
Konfrans işini iyunun 4-dək davam etdirəcəkdir.
######
 |
 |
Bölmənin digər xəbərləri
