Sərbəst güləş üzrə yığmamız Mahaçqalada təlim-məşq toplanışına start verib
Bakı, 7 mart, AZƏRTAC
Sərbəst güləş üzrə yığmamız ölkə xaricində növbəti təlim-məşq toplanışına start verib.
Azərbaycan Güləş Federasiyasından AZƏRTAC-a bildiriblər ki, millimiz apreldə Rumıniyanın paytaxtı Buxarestdə keçiriləcək Avropa çempionatına hazırlıq məqsədi ilə növbəti dəfə Dağıstanın paytaxtı Mahaçqalaya yollanıb.
Baş məşqçi Saypulla Absaidov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun rəhbərliyi altında 20 güləşçidən ibarət heyət qonşu ölkədə fiziki, taktiki-texniki hazırlıq üzərində çalışacaq.
Qeyd edək ki, toplanış martın 19-dək davam edəcək.
Bölmənin digər xəbərləri
