Serblər dövlət nömrə nişanlarını Kosovo avtomobil nömrələri ilə dəyişir
Belqrad, 9 noyabr, AZƏRTAC
Kosovoda serblərin sıx məskunlaşdığı bələdiyyələrdə vətəndaşlar Serbiyanın verdiyi avtomobil nömrələrini Kosovo dövlət nömrə nişanları ilə əvəz etməyə başlayıb.
AZƏRTAC xəbər verir ki, Kosovo polisinin məlumatına görə, noyabrın 1-dən bu vaxtadək Serbiya nömrəli 733 nəqliyyat vasitəsi Kosovo dövlət nömrə nişanı alıb.
Kosovo hökuməti dekabrın 1-dən sonra Serbiya tərəfindən verilmiş avtomobil nömrələrinin dəyişdirilməsi, eyni zamanda, bu nəqliyyat vasitələrinin Kosovoya daxil olması və ölkə daxilində hərəkətinin mümkün olmayacağını açıqlayıb.
Kosovonun şimalında Serbiya dövlət nömrə nişanlı təxminən 10 min avtomobilin olduğu bildirilir.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
