“Sərt” Brexitdən büdcə itkiləri 114 milyard dollar təşkil edə bilər
Bakı, 2 iyul, AZƏRTAC
Böyük Britaniyanın Avropa İttifaqından sazişsiz ayrılması Krallığın dövlət büdcəsinin 90 milyard funt sterlinq (114 milyard dollar) itirməsi ilə nəticələnəcək.
AZƏRTAC xəbər verir ki, bu rəqəmi Britaniya parlamentində Maliyyə naziri Filip Hammond səsləndirib. Onun sözlərinə görə, hökumətin apardığı təhlillər sazişsiz dağıdıcı Brexitin xəzinəyə 90 milyard funt sterlinqə yaxın zərbə vuracağını göstərir.
“Sərt” Brexit hökumətin sonrakı qərarlarına öz təsirini göstərəcək. Bu, o deməkdir ki, uzunmüddətli perspektivdə istər vergilərin ixtisarına, istərsə də xərclərin artırılmasına pul olmayacaq”, - deyə nazir izah edib.
Xatırladaq ki, Mühafizəkarlar partiyasının lideri və Britaniyanın Baş Naziri postuna seçkilərin favoriti sabiq Xarici İşlər naziri Boris Conson “sərt” Brexit tərəfdarı kimi tanınır.
Bölmənin digər xəbərləri
