ŞƏRURDA “TƏHSİLİMİZİN HEYDƏR ƏLİYEV ERASI” ADLI ELMİ-PRAKTİKİ KONFRANS KEÇİRİLMİŞDİR
AZƏRTAC xəbər verir ki, Şərur Rayon Təhsil Şöbəsində xalqımızın ümummilli lideri Heydər Əliyevin 85 illik yubileyi ilə bağlı “Təhsilimizin Heydər Əliyev erası” adlı elmi-praktiki konfrans keçirilmişdir.
Şöbənin müdiri Natiq Abbasov ulu öndərin dövlətçiliyimizin qorunmasında misilsiz xidmətlərindən, onun təhsilə göstərdiyi sonsuz qayğıdan danışmışdır.
Çıxışlarda qeyd olunmuşdur ki, Azərbaycan milli təhsilinin qazandığı uğurlar ulu öndər Heydər Əliyevin adı, ölməz ideyaları, möhtəşəm əməlləri ilə bağlıdır. Ümummilli liderin təhsil siyasəti bu gün Prezident İlham Əliyev tərəfindən uğurla davam etdirilir.
2008-ci ilin Naxçıvan Muxtar Respublikasında inkişaf və tərəqqi ili elan olunduğunu diqqətə çatdıran natiqlər bildirmişlər ki, son 12 ildə 140-a yaxın məktəb binası tikilmişdir. Təhsil ocaqlarının maddi-texniki bazaları möhkəmləndirilmiş, onlara yeni kompyuterlər verilmişdir.
Hazırda bu qədim diyarda daha 6 yeni məktəb binası tikilir.
Bölmənin digər xəbərləri
