SİDNEYDƏ MÜHARİBƏ ƏLEYHİNƏ KÜTLƏVİ NÜMAYİŞ
İTAR-TASS xəbər verir ki, fevralın 16-da Avstraliyanın ən böyük şəhərində- Sidneydə müharibə əleyhinə keçirilən nümayiş ölkə tarixində ən kütləvi nümayiş olmuşdur. Bələdiyyə orqanlarının ilkin hesablamalarına görə, İraqa qarşı müharibə əleyhinə çıxan nümayiş iştirakçılarının sayı 200 min nəfəri ötmüşdür.
İctimai, dini təşkilatlar, müxalifət partiyaları və həmkarlar ittifaqlarının təşəbbüsü ilə əhalinin müxtəlif təbəqələrinin nümayəndələri ailəliklə küçələrə çıxmışdılar. Nümayişin 3 saatdan artıq davam etməsinə və adamların həddən artıq çox olmasına baxmayaraq, heç bir hadisə baş verməmişdir. Avstraliyalıların əksəriyyəti ABŞ-ın niyyətini dəstəkləmədiklərini bəyan etmiş və bütün qüvvəni münaqişənin dinc yolla həll edilməsinə çağırmışlar. 100 və 50 min nəfərdən ibarət analoji nümayişlər ölkənin digər ştatlarının paytaxtlarında da keçirilmişdir.
Bölmənin digər xəbərləri
