“Silk Way West Airlines” Budapeştə yükdaşımaları bərpa edib
Bakı, 31 mart, Elvin Camalov, AZƏRTAC
“Silk Way West Airlines” Budapeştə yükdaşımaları bərpa edib.
AZƏRTAC xəbər verir ki, bu barədə şirkət məlumat yayıb.
Bildirilib ki, “Silk Way West Airlines” iki illik fasilədən sonra Bakıdan Macarıstanın paytaxtı Budapeştə yenidən yük daşımağa başlayıb. İlk uçuş martın 18-də həyata keçirilib. Yüklərin “Boeing 747” tipli təyyarə ilə həftədə iki dəfə - cümə axşamı və bazar günləri olmaqla daşınması planlaşdırılır.
Qeyd edilib ki, Budapeştə yükdaşımaların bərpa edilməsinə səbəb bu istiqamətdə tələbatın çox olması və elektron ticarətin inkişaf etməsidir.
Bölmənin digər xəbərləri
