Sinqapur trasındakı məşhur döngə götürülə bilər
Bakı, 17 sentyabr, AZƏRTAC
Sinqapur trasının konfiqurasiyası 2022-ci ildə dəyişdirilə bilər.
AZƏRTAC «RaceFans»a istinadla xəbər verir ki, bir neçə il sonra Sinqapurda inşaat işləri planlaşdırılır, nəticədə trasın 16-cı döngədən 19-cu döngəyədək olan hissəsi götürülə bilər. İnşaat işləri zamanı bu dörd döngə yerinə uzun düz yol çəkiləcək. Pilotlar 15-ci döngədən birbaşa 20-ci döngəyə yollanacaqlar
Beləliklə, 2022-ci ildə məşhur 17-ci döngə də götürülə bilər. Qeyd edək ki, 2008-ci ildə burada oğul Nelson Pikenin bolidi qəzaya uğrayıb. Bu qəza qəsdən törədilib ki, Fernando Alonsonun 2008-ci il mərhələsində taktiki qələbəsi təmin olunsun. Nəticədə “Reno” komandasının rəhbərləri Flavio Briatore və Pet Simmonds Formula 1-də uzaqlaşdırılıblar.
Bölmənin digər xəbərləri
