Son gündə Özbəkistanda koronavirusa 748 nəfər yoluxub
Daşkənd, 4 avqust, AZƏRTAC
Son gündə Özbəkistanda COVID-19 koronavirusuna 748 yoluxma halı qeydə alınıb və bu virusa tutulanların sayı 26 min 550 nəfərə çatıb. Yeni yoluxma halları yenə də Özbəkistanın 11 regionunda qeydə alınıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son sutkada ölkədə virusdan 4 xəstə dünyasını dəyişib və ölənlərin sayı 159 nəfərə çatıb.
Xəstəxanalarda 9 min 127 pasiyent var. Onların 927-nin vəziyyəti ağır, 224-nün isə çox ağır qiymətləndirilir.
Özbəkistan mətbuatının verdiyi məlumata görə, Asiya İnkişaf Bankı koronavirusla mübarizə tədbirləri çərçivəsində ölkəyə 100 milyon dollar həcmində kredit verilməsini təsdiq edib.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
