Son gündə Qırğızıstanda koronavirusdan 11 nəfər ölüb
Bişkek, 5 avqust, AZƏRTAC
Son gündə Qırğızıstanda COVID-19 koronavirusuna 569 nəfər yoluxub, Bişkekdə 190 xəstə qeydə alınıb. Ölkədə yoluxanların sayı 38 min 110 nəfərə çatıb.
AZƏRTAC xəbər verir ki, bu haqda Qırğızıstan Səhiyyə Nazirliyinin səlahiyyətli nümayəndəsi Aynura Akmatova Bişkekdə keçirdiyi brifinqdə məlumat verib. O deyib ki, son sutkada virusdan 11, ümumiyyətlə pandemiya dövründə isə 1438 xəstə vəfat edib.
Son sutkada virusa 20, ümumiyyətlə isə 2 min 874 tibb işçisi yoluxub.
Xəstəxanalarda 7 min 170 pasiyentin olduğu bildirilir.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
