Son sutkada Özbəkistanda koronavirusa 764 nəfər yoluxub
Daşkənd, 5 avqust, АZƏRTAC
Son 24 saat ərzində Özbəkistanda COVID-19 koronavirusuna 764 nəfər yoluxub, ölkə üzrə yoluxanların sayı 27 min 314 nəfərə çatıb.
Yeni yoluxma halları Özbəkistanın 11 regionunda qeydə alınıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son gündə virusdan 6 xəstə ölüb və bu səbəbdən həyatını itirənlərin sayı 165 nəfərə çatıb.
Xəstəxanalarda 9 min 96 nəfərin olduğu bildirilir. Onların 614-nün vəziyyəti ağır, 208-nin isə kritikdir.
Özbəkistan Prezidenti Şavkat Mirziyoyev koronavirusla bağlı keçirdiyi videoselektor müşavirəsində ölkədə COVID-19-la bağlı vəziyyətə qiymət verib, bir həftə ərzində xarici ölkələrdən vaksin almağı və əhaliyə vaksin vurulmasını təmin etməyi tapşırıb.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
