SUMQAYIT MƏKTƏBLƏRİNDƏ NARKOMANİYA ƏLEYHİNƏ TƏDBİRLƏR KEÇİRİLİR

11.10.2004 [19:25]
Çap et
A⁺ A^-

AZƏRTAC-ın müxbiri xəbər verir ki, Sumqayıtın orta təhsil müəssisələrində narkomaniyanın gənclər arasında yayılması və bu bəla ilə mübarizə məsələlərində şagirdlərin maarifləndirilməsi səviyyəsini artırmaq üçün mütəmadi tədbirlər keçirilir.

Növbəti tədbir 16 nömrəli məktəbdə olmuşdur. Şəhər təhsil şöbəsinin müdiri Vidadi Bağırov, prokurorluğun, psixonevroloji dispanserin və şəhər polis idarəsi narkotiklərlə mübarizə şöbəsinin əməkdaşları, şagirdlər və müəllimlər narkotik vasitələrin gənclər arasında yayılmasının ağır nəticələrindən söhbət açmış, sağlam həyat tərzinin vacibliyini vurğulamışlar.

Sonda narkoloqlar, sosioloqlar tədbir iştirakçılarının suallarını cavablandırmışlar.