Sumqayıtda Futbol Festivalı çərçivəsində keçirilən turnirin yarımfinal oyunları keçirilmişdir
Sumqayıt, 13 noyabr (AZƏRTAC). Sumqayıtda Azərbaycan Respublikası Prezidenti yanında Gənclər Fondu tərəfindən dəstəklənən “Top ustası” Futbol Festivalı layihəsi çərçivəsində keçirilən turnir davam edir.
Layihə rəhbəri Vüsal Məmmədovun AZƏRTAC-a verdiyi məlumata görə, komandanın qatıldığı turnirin yarımfinal oyunları sona çatmışdır. Yarımfinal qarşılaşmalarında “Favorit” komandası “Olimpik”i, “Kimyaçı” isə “MinA” komandasını penalti seriyasında məğlub etmişdir.
Beləliklə, turnirin final oyununda “Favorit” və “Kimyaçı” meydana çıxacaqdır. Final oyununda şəhərin ayrı-ayrı idarə və müəssisələrinin nümayəndələrinin, Azərbaycan milli yığma komandasının üzvlərinin və “Sumqayıt” Futbol Klubunun bir neçə futbolçusunun iştirakı gözlənilir.
Bölmənin digər xəbərləri
