Sumqayıtda ictimai nəqliyyatda nağdsız ödəniş sisteminin tətbiqinə başlanılıb
Sumqayıt, 1 fevral, Ətrabə Rzayeva, AZƏRTAC
Sumqayıt şəhərində ictimai nəqliyyat sistemində daha bir yeniliyin tətbiqinə başlanılıb. Şəhər İcra Hakimiyyəti və “Paşa Bank”ın birgə layihəsi olaraq ictimai nəqliyyatda nağdsız ödəniş sisteminə keçilir.
Şəhər İcra Hakimiyyətindən AZƏRTAC -a bildirilib ki, ictimai nəqliyyatda kartla ödəniş sistemi ilkin olaraq 9 saylı marşrut xətti üzrə hərəkət edən avtobuslarda tətbiq olunur. Artıq avtobuslarda xüsusi cihazlar - validatorlar quraşdırılıb. Bununla da sərnişinlər kontaktsız işarəsi olan bütün bank, əməkhaqqı, pensiya və təqaüd kartları ilə, eyni zamanda, NFC funksiyası olan cihazlar, virtual kartlar, hətta xarici bank kartları ilə ictimai nəqliyyatda ödəniş edə bilərlər.
Kartı olmayan şəxslər isə yalnız Sumqayıt nəqliyyatında keçərli olan kartları əldə edə bilər. Balansı isə EManat və MilliÖn ödəmə terminalları vasitəsilə artırmaq mümkündür. Kartla nağdsız ödəniş sistemi il ərzində bütün marşrut xətti üzrə hərəkət edən avtobuslarda tətbiq olunacaq.
Bölmənin digər xəbərləri
