Tacikistanda qar uçqunu nəticəsində azı 10 nəfər həlak olub
Bakı, 15 fevral, AZƏRTAC
Tacikistanda qar uçqunu nəticəsində azı 10 nəfər həyatını itirib.
AZƏRTAC Tacikistan Fövqəladə Hallar Komitəsinin məlumatına istinadla xəbər verir ki, hadisə fevralın 15-də Düşənbə-Varzob avtomobil yolunun 65,8-ci kilometrində baş verib. Qar uçqununun altında dörd minik avtomobili qalıb, sürücülərdən biri həlak olub.
Təbii fəlakət, həmçinin respublikanın şərqində yerləşən Dağlıq-Badaxşan muxtar vilayətində doqquz nəfərin həyatına son qoyub. Ölüm hallarının səkkizi vilayətin inzibati mərkəzi - Horoq şəhərində, biri isə Vanc rayonunda qeydə alınıb.
Bölmənin digər xəbərləri
