TANINMIŞ FİLOSOF HAQQINDA YENİ KİTAB
Sayca 5-ci monoqrafiyası olan bu kitabında tədqiqatçı alim Azərbaycan elmi fikrinin inkişafında tanınmış filosof, AMEA-nın müxbir üzvü Zakir Məmmədovun xidmətlərindən, onun keçdiyi həyat yolundan, yaradıcılığından söz açır. “Ulu nəsildən soraq” sərlövhəli yazıda müəllif öz oxucusunu Zakir Məmmədovun təhsil aldığı Ağdam rayonunun Baharlı kəndindəki orta məktəb illəri ilə, oradakı mühitlə tanış edir. Bu yazıda oxucu həm də gənc Zakirin ulu nəsl şəcərəsinə malik olduğunu öyrənir, bəy ailəsində dünyaya göz açdığı üçün başına gələn bəlalara acıyır.
Kitabda orta əsrlər Azərbaycan mütəfəkkirlərinin aşkara çıxarılmasında Zakir Məmmədovun əməyi, elmi xidmətləri təkcə müəllif tərəfindən deyil, eləcə də görkəmli elm adamlarımız tərəfindən yüksək qiymətləndirilir. Z.Məmmədovun “Azərbaycanda XI-XIII əsrlərdə fəlsəfi fikir” elmi əsəri haqqında fəlsəfə elmləri doktoru, professor Midhəd Ağamirov yazır: “Biz məhz Z.Məmmədovun tədqiqatı nəticəsində onlarla Azərbaycan filosofu və mütəfəkkiri haqqında ilk məlumat əldə etmiş, çoxlu, son dərəcə qiymətli fəlsəfi traktatlarla tanış olmuşuq. Müəllif hamıdan, təkrar edirəm, orta əsr Azərbaycan fəlsəfəsi tarixini öyrənmiş bütün tədqiqatçılarımızdan yüksəkdədir”.
Oxuculara təqdim olunan bu kitabında müəllif Zakir Məmmədovun bədii yaradıcılığından da bəhs edir.
Bölmənin digər xəbərləri
