TANINMIŞ REJİSSORUN YUBİLEYİ QEYD OLUNMUŞDUR
Gildiyanın müdiri Arif İbrahimov ömrünün 40 ilini audiovizual sənətin inkişafına həsr etmiş R.Həsənoğlunun bənzərsiz rejissorluq yaradıcılığının bəzi məqamlarından danışmışdır. Bildirmişdir ki, sənətsevərlər onun quruluş verdiyi “Qatarda”, “Evləri köndələn yar”, “Topal Teymur”, “Günahsız Abdulla”, “Yaşıl eynəkli adam”, “Ac həriflər” və sair kimi televiziya tamaşalarını bu gün də maraqla izləyirlər.
Vurğulanmışdır ki, zəngin yaradıcılıq yolu keçən sənətkar indiyədək 50-dən çox bədii filmə və tamaşaya, 200-dən artıq müxtəlif sərkili bədii, sənədli və musiqili proqramlara quruluş vermişdir. Həyatını və yaradıcılığını AzTV ilə bağlayan R.Həsənoğlu burada gənclərin inkişafında mühüm rol oynayan “Sabah” yaradıcılıq studiyasının rəhbəridir.
Tədbir iştirakçıları hazırda Hüseyn Cavidin həyat və yaradıcılığına həsr olunmuş “Cavid ömrü” tammetrajlı bədii film üzərində çalışan sənətkarı yubileyi münasibətilə təbrik etmiş, ona yaradıcılıq uğurları arzulamışlar.
Bölmənin digər xəbərləri
