TANINMIŞ RƏSSAM BƏSTİ ŞƏRİFİN SƏRGİSİ AÇILMIŞDIR
Bakıdakı Vəcihə Səmədova adına sərgi salonunda Azərbaycanın ən yaxşı xalçaçı rəssamlarından biri Bəsti Şərifin rəsmlərindən və qobelenlərindən ibarət sərgi açılmışdır. Yayda açılmalı olan sərgi rəssamın dünyasını vaxtsız dəyişməsi ilə əlaqədar başqa vaxta keçirilmişdir.
Sərgidə Bəsti Şərifin 40-dək rəsm əsəri nümayiş etdirilıir. Tanınmış rəssam Azərbaycanda qobelen sənətinin yaradıcılarındandır. Onun yaradıcılığı həm yaxın həm də uzaq xarici ölkələrdə geniş şöhrət qazanmışdır. Sərgidə Bəsti xanımın ən yaxşı işlərindən biri olan “Füzuli və Səttar dünyası” əsəri də nümayiş etdirilir. Bu qobelenin hər bir naxışı məhşur ustad Səttar Bəhlulzadə yaradıcılığının motivləri ilə sıx bağlı olduğundan mütəxəssislər onu nəfis sənət əsəri adlandırırlar.
Oktyabrın 4-də daha bir tanınmış Azərbaycan rəssamı Mir İsmayıl Cəfərovun fərdi sərgisi açılacaqdır. Rəssamın 75 illiyinə həsr olunacaq sərgidə onun 80-dək əsəri nümayiş etdiriləcəkdir.
Bölmənin digər xəbərləri
