Teatr Xalq Yazıçısı İlyas Əfəndiyevin “Unuda bilmirəm” əsəri əsasında hazırladığı tamaşa üzərində işləri yekunlaşdırır
Bakı, 26 yanvar (AZƏRTAC). Füzuli Dövlət Dram Teatrı Xalq Yazıçısı İlyas Əfəndiyevin “Unuda bilmirəm” əsəri əsasında hazırladığı tamaşa üzərində işləri tamamlamaq üzrədir.
Teatrdan AZƏRTAC-a bildirmişlər ki, hazırda tamaşanın son məşqləri aparılır. Fevralın sonunadək səhnə əsəri tamaşaçılara təqdim ediləcəkdir. Tamaşanın quruluşçu rejissoru Asif Şirinov, quruluşçu rəssamı Ellinaz Balaşova, musiqi tərtibatçısı Nizami Süleymanovdur. Rolları Vaqif Rəhimov, Sevinc Məmmədova, Elçin Məmmədov və başqaları ifa edəcəklər.
Bundan əlavə, teatrda M.F.Axundzadənin 200 illiyi münasibətilə dövlət sifarişi əsasında da tamaşa səhnəyə qoyulacaqdır. Artıq bu münasibətlə hazırlanan “Hacı Qara” komediyasının ilk məşqləri başlanmışdır.
Bölmənin digər xəbərləri
