TƏHSİL MÜƏSSİSƏLƏRİNDƏ “ƏMƏK SƏRGİSİ”
AZƏRTAC xəbər verir ki, mayın 30-da Qafqaz Universitetində bu ali məktəbin Daimi İnkişaf və Karyera Planlaşdırma Mərkəzi Əmək və Əhalinin Sosial Müdafiəsi Nazirliyi ilə birlikdə “Əmək sərgisi” təşkil etmişdir.
Burada Bakı və Sumqayıt şəhərlərinin, Abşeron rayonunun məşğulluq mərkəzləri və mütəxəssislər ayrı-ayrı müəssisələrin (“Potensial Sumqayıt Mütəxəssislər Birliyi”, Bakı Universal Maşınqayırma”ASC, Neftqaztikinti Tresti, “Tam Qida Sənaye LTD” MMC, “Qaradağ Sement” ASC və s.) vakant iş yerləri barədə tələbə və məzunlara ətraflı məlumatlar vermiş, onlara ixtisaslarına uyğun işlə təmin olunmaq imkanları yaradılmışdır.
Sərgidə 80-dən çox şirkətin, ümumilikdə 400-dən artıq vakant iş yeri barədə məlumatlar verilmişdir.
Həmin gün Gəncə şəhərində - Azərbaycan Texnologiya Universitetində və Mingəçevir şəhərində - Mingəçevir Politexnik İnstitutunda da əmək sərgiləri olmuşdur.
Bölmənin digər xəbərləri
