TƏHSİL NAZİRLİYİNDƏ BEYNƏLXALQ FƏNN OLİMPİADALARININ QALİBLƏRİ İLƏ GÖRÜŞ OLMUŞDUR
Nazir Misir Mərdanov təhsilimizin inkişafında xalqımızın dahi oğlu, dünyaşöhrətli siyasi xadim Heydər Əliyevin əvəzsiz xidmətlərindən danışmış, ötən il prezident seçkilərində də xalqımızın müdriklik göstərərək düzgün seçim etdiyini, ümummilli liderimizin siyasi xəttinə yekdilliklə səs verdiyini xatırlatmış, ulu öndərimizin ideyalarının dövlətimizin başçısı İlham Əliyev tərəfindən uğurla həyata keçirildiyini söyləmişdir.
Azərbaycan gənclərinin beynəlxalq bilik yarışlarında qazandıqları uğurlardan danışan nazir bildirmişdir ki, 2003�4-cü dərs ilində beş fənn-kimya, biologiya, informatika, riyaziyyat, fizika üzrə keçirilmiş fənn olimpiadalarında respublikamızı 28 şagird təmsil etmiş və onlardan 2-si qızıl, 1-i gümüş, 3-ü bürünc medallara, 2-si isə fərqləndirici diploma layiq görülmüşdür.
Misir Mərdanov kimya fənni üzrə Almaniyanın Kiel şəhərində keçirilən beynəlxalq bilik yarışında Azərbaycan komandasının qazandığı uğuru xüsusi vurğulamışdır. O, qalibləri təbrik etmiş, bu nailiyyətlərin əldə olunmasında xidməti olan təhsil işçilərinə, Çağ Öyrətim İşlətmələri Şirkətinə təşəkkürünü bildirmişdir.
Şirkətin prezidenti Ənvər Özərən və digər natiqlər də ulu öndərimiz Heydər Əliyevin təhsilimizə göstərdiyi qayğıdan söhbət açmış, xoş arzularını bildirmişlər.
Tədbirdə qaliblərə diplom və hədiyyələr verilmişdir.
Bölmənin digər xəbərləri
