TƏHSİL NAZİRLİYİNDƏ KOLLEGİYA İCLASI KEÇİRİLMİŞDİR
Nazir Misir Mərdanov təhsilimizin inkişafı, onun dünya təhsil sisteminə inteqrasiya olunması ilə bağlı həyata keçirilən tədbirlərdən danışaraq bildirmişdir ki, mütəxəssislərin iştirakı ilə “Ali və orta ixtisas təhsili müəssisələrinin attestasiyası və akkreditasiyası haqqında əsasnamə” hazırlanmış və hökumət tərəfindən təsdiq edilmişdir.
Nazir respublikamızın bütün ali və orta ixtisas təhsili məktəblərində attestasiya və akkreditasiyanın keçirilməsinin, təhsil müəssisələrinin fəaliyyətinin düzgün qiymətləndirilməsinin vacibliyini və əhəmiyyətini vurğulamışdır.
Nazirliyin şöbə müdiri İlham Mustafayev “Ali və orta ixtisas təhsili müəssisələrinin attestasiyası və akkreditasiyası haqqında əsasnamə” barədə ətraflı məlumat vermişdir.
Müzakirələrdə təhsil nazirinin müavinləri İradə Hüseynova, İsgəndər İsgəndərov, Elmar Qasımov, ayrı-ayrı ali məktəblərin rektorları çıxış edərək mülahizələrini bildirmiş, təkliflərini söyləmişlər.
Bölmənin digər xəbərləri
