TƏLƏBƏ QƏBULU ÜZRƏ DÖVLƏT KOMİSSİYASININ SƏDRİ KİV NÜMAYƏNDƏLƏRİ ÜÇÜN BRİFİNQ KEÇİRMİŞDİR
M. Abbaszadə ali və orta ixtisas təhsili müəssisələrinə qəbul imtahanlarında nəzarətçi kimi iştirak edəcək müəllimlər üçün Bakı və Sumqayıt şəhərlərində seminar-məşğələlər təşkil edildiyini bildirmişdir.
Diqqətə çatdırılmışdır ki, rayonlar üzrə nəzarətçi–müəllimlərin siyahısı TQDK-nın kompyuter bazasına ötürülür. Hazırda həmin bazaya 5117 nəfərin adı daxil edilmişdir. Onların 990-ı imtahanlara nəzarət etməyə ilk dəfə cəlb olunmuşdur.
Komissiyanın sədri demişdir ki, seminar-məşğələlərdə təlimatlandırılmış müəllimlər ali və orta ixtisas təhsili müəssisələrinə qəbul imtahanlarında iştirak etmək istəyənlər üçün təşkil olunmuş sınaq imtahanlarına nəzarət edirlər. Bu da onların seminarlarda qazandıqları nəzəri biliklərin təcrübədə tətbiqinə kömək göstərir. Sınaq imtahanlarında nəzarətçi kimi özünü doğrultmayan müəllimlər nəzarətçi bazasından çıxarılırlar.
M. Abbaszadə ali və orta ixtisas təhsili müəssisələrinə qəbul imtahanlarına hazırlıq və s. ilə bağlı jurnalistləri maraqlandıran suallara da cavab vermişdir.
Bölmənin digər xəbərləri
