CƏMİYYƏT
Tələbə və məzunlar üçün “Karyerada ilk addım” adlı aktiv məşğulluq tədbiri keçirilib
![](/files/galleryphoto/2019/3/1200x630/1572086971208329267_1200x630.jpg)
![](/files/galleryphoto/2019/3/1200x630/15720869715208612442_1200x630.jpg)
![](/files/galleryphoto/2019/3/1200x630/15720869713706540029_1200x630.jpg)
![](/files/galleryphoto/2019/3/1200x630/1572086971753614627_1200x630.jpg)
![](/files/galleryphoto/2019/3/1200x630/1572086971236081108_1200x630.jpg)
![](/files/galleryphoto/2019/3/1200x630/1572086971130687364_1200x630.jpg)
![](/files/galleryphoto/2019/3/1200x630/1572086971216987049_1200x630.jpg)
![](/files/galleryphoto/2019/3/1200x630/15720869712249455761_1200x630.jpg)
Bakı, 26 oktyabr, AZƏRTAC
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən Qərbi Kaspi Universiteti və Sumqayıt Dövlət Universitetinin nəzdindəki Sumqayıt Texniki Kollecində “Karyerada ilk addım” adlı aktiv məşğulluq tədbiri keçirilib.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, tədbirdə tələbə və məzunlara ümumilikdə 78 müəssisədən 524 vakant iş yeri və 21 təcrübə proqramı təklif olunub. Gənclər işəgötürənlərə şəxsi məlumatlarını təqdim ediblər. İşəgötürənlərə isə müvafiq ixtisaslar üçün kadr seçimini aparmaq imkanı yaradılıb. Həmçinin boş (vakant) iş yerlərinə göndərişlər verilib, təcrübə proqramlarına cəlb edilmək istəyənlərin qeydiyyatı aparılıb. Tələbə və məzunlara peşəyönümü məsləhət xidməti də göstərilib, peşə hazırlığı kursları və əlavə təhsil kursları barədə məlumatlar verilib.
“Karyerada ilk addım” adlı aktiv məşğulluq tədbirləri tələbə və məzunların əmək bazarına çıxışının dəstəklənməsinə, onların işəgötürənlərlə ilkin əlaqələrinin qurulmasına xidmət edir. Bu il 10 universitetdə belə tədbirin keçirilməsi nəzərdə tutulub.