TƏLƏBƏLƏRİMİZ SERBİYAYA GEDƏCƏKLƏR
Azərbaycan Milli Konservatoriyası beynəlxalq əlaqələr şöbəsinin müdiri, konfransın Azərbaycan üzrə əlaqələndiricisi Zemfira Hüseynova bildirmişdir ki, Bolonya prosesinə və incəsənətin tədrisi mövzusuna həsr olunmuş konfransda 18 ölkədən 100 nümayəndə iştirak etmişdir. Azərbaycanın nümayəndə heyətinə Dövlət Rəssamlıq Akademiyasının elmi işlər üzrə prorektoru, professor Fuad Salayev, Mədəniyyət və İncəsənət Universitetinin beynəlxalq əlaqələr şöbəsinin müdiri Çingiz Bağırov, Milli Konservatoriyanın elmi laboratoriyasının müdiri, sənətşünaslıq doktoru Sevil Fərhadova və “İnstrumental muğam” kafedrasının müdiri, professor Malik Quliyev daxil idilər. Konfransda digər ölkələrlə yanaşı Azərbaycan nümayəndələri müxtəlif treninq-sessiyalarda maraqlı təkliflərlə çıxış etmişlər. Milli Konservatoriyanın ünvanına ELİA-dan dəvət gəlmişdir. 10 nəfər tələbəmiz iyunun 8-18-də Serbiyanın paytaxtı Belqradda keçiriləcək Yay məktəbi tədbirlərində iştirak edəcəkdir.
Bölmənin digər xəbərləri
