TƏRTƏRDƏ ŞƏKƏR ÇUĞUNDURUNUN BECƏRİLMƏSİNƏ BAŞLANMIŞDIR

16.01.2007 [11:30]
Çap et
A⁺ A^-

AZƏRTAC-ın müxbiri xəbər verir ki, İmişli şəkər zavodunun fəaliyyətə başlaması ilə əlaqədar ilk dəfə olaraq Tərtər rayonunda şəkər çuğundurunun becərilməsinə başlanmışdır.

Torpaq mülkiyyətçiləri, sahibkarlar ötən il 363 hektarda bol və keyfiyyətli şəkər çuğunduru yetişdirmişlər. Toplanmış məhsul “Azərşəkər” İstehsalat Birliyi ilə bağlanmış müqaviləyə əsasən İmişli şəkər zavoduna satılacaqdır. Rayonda şəkər istehsalı üçün əsas xammal olan bu məhsulun yığımı başa çatmışdır. İlkin hesablamalara görə hər hektardan orta hesabla 35-40 ton məhsul götürülmüşdür.

Rayonun torpaq mülkiyyətçiləri bu gəlirli sahəni inkişaf etdirmək üçün cari ildə çuğundur əkini sahələrini genişləndirməyi nəzərdə tutmuşlar.