TEYMUR RƏCƏBOV UKRAYNA QROSSMEYSTERİ VASİLİ İVANÇUKLA HEÇ-HEÇƏ OYNAMIŞDIR
AZƏRTAC xəbər verir ki, İspaniyanın Bilbao şəhərində keçirilən “CHESS MASTERS” turnirinin üçüncü turunda Azərbaycan şahmatçısı Teymur Rəcəbov Ukrayna qrossmeysteri Vasili İvançukla görüşünü heç-heçə başa vurmuşdur.
Bu turda V.Topalov M.Karlseni məğlubiyyətə uğratmış, L.Aronyan V.Anandla görüşündə xallar yarı bölünmüşdür.
Üç turdan sonra turnir cədvəlinə V.Topalov (5 xal) başçılıq edir. M.Karlsen 4, V.Anand, V.İvançuk, T.Rəcəbov isə hərəyə 3 xal toplamışlar.
Yarışı beynəlxalq dərəcəli hakim Faiq Həsənov idarə edir.
Dairəvi sistem üzrə keçirilən turnirin mükafat fondu 400 min avro təşkil edir.
Bölmənin digər xəbərləri
