“The Guardian”: III Çarlzın tacqoyma günü dron uçuşlarına qadağa qoyulub
Bakı, 6 may, AZƏRTAC
Mayın 6-da Vestminsterdə keçiriləcək Böyük Britaniya kralı III Çarlzın tacqoyma mərasimi zamanı Londonun mərkəzində pilotsuz uçuş aparatlarının (PUA - dron) havaya qaldırılması qadağan edilib.
AZƏRTAC xəbər verir ki, bu barədə “The Guardian” məlumat yayıb.
Qeyd olunur ki, Londonun mərkəzindən 4 kilometr radiusda 760 metrdən aşağı hündürlükdə pilotsuz təyyarələrin uçuşlarına qadağa qoyulması barədə əmr cümə axşamı tacqoyma mərasimi ilə bağlı ümumi təhlükəsizlik tədbirləri çərçivəsində verilib. Nəşrin mənbələrinin məlumatına görə, London polisi mərasim zamanı ehtiyac yaranacağı halda, PUA-lara qarşı tətbiq etmək üçün silahlar əldə edib.
74 yaşlı III Çarlzın tacqoyma mərasimi 200-dək ölkədən 2,2 mindən çox insanın iştirakı ilə keçiriləcək.
Bölmənin digər xəbərləri
