Tokioda avarçəkmə üzrə Olimpiya seçmə turniri keçiriləcək
Bakı, 10 mart, AZƏRTAC
Tokio Olimpiya Oyunlarının təşkilat komitəsi Beynəlxalq Avarçəkmə Federasiyasının idmançılarının seçmə mərhələlərdə iştirak etməsi üçün may ayında Yaponiyaya gəlmələrini təmin edib.
AZƏRTAC xəbər verir ki, mayın 5-7-də Tokionun “Sea Forest Waterway” avarçəkmə kanalında Asiya və Okeaniya ölkələri üçün Olimpiya seçmə turniri keçiriləcək. Ölkə rəhbərliyi, koronavirus pandemiyası səbəbindən idmançılar üçün sərtləşdirilmiş giriş qaydalarını yaxın gələcəkdə yumşaltmağı planlaşdırır. Oyunlar zamanı iki həftəlik karantin tətbiq edilməsinə ehtiyac qalmasa da, ancaq bir sıra sərt tələblər - sosial məsafəyə əməl etmək, maskalardan istifadə etmək və yalnız xüsusi nəqliyyat vasitələrində hərəkət etmək məcburiyyət olaraq qalacaq.
Keçən həftə Cənubi Amerika təmsilçilərinin iştirakı ilə Rio-de-Janeyroda Olimpiya seçmə turniri keçirilib. Yarış Braziliya hökuməti tərəfindən tətbiq olunan yeni məhdudiyyətlər səbəbindən bir neçə gün əvvəl sona çatıb.
Avropa Olimpiya seçmə turniri aprelin 5-7-də İtaliyada keçiriləcək. Final yarışlarının isə mayın 21-23-də İsveçrənin Lyutsern şəhərində keçirilməsi planlaşdırılır.
Bölmənin digər xəbərləri
