Tur-aksiya iştirakçısı: Qəbələ, Şəki və Zaqatalaya ekskursiyamız çox maraqlı keçir
Qəbələ, 28 mart, Şahnəzər Bəşirov, AZƏRTAC
“Ölkəmizi tanıyaq” devizi ilə keçirilən maarifləndirici tur-aksiyada iştirak edən məktəblilərin əksəriyyəti Qəbələyə ilk dəfə gəliblər. Ekskursiyanın ilk günündə Şəkinin görməli yerləri ilə tanış olduq. Hər iki rayon bizə xoş təəssürat bağışladı.
Bu sözləri AZƏRTAC-ın bölgə müxbirinə müsahibəsində Daşkəsən şəhər 1 saylı tam orta məktəbin 9-cu sinif şagirdi Yusif Məmmədov söyləyib.
Məktəbli qeyd edib ki, Qəbələ-Şəki-Zaqatala marşrutu üzrə ekskursiyaya çıxsalar da, bu regionlara gələnədək yolboyu bir sıra digər rayonlarda da olublar: “Səfər zamanı hər addımda yeniliklərlə qarşılaşırıq. Bölgənin əsrarəngiz təbiət mənzərələri hər birimizə xoş təsir bağışlayır. Qədim Qəbələ şəhərinin xarabalıqları, Qala yeri və orada aparılan arxeoloji qazıntılar zamanı tapılan eksponatlar marağımı cəlb etdi. Bir sözlə, Qəbələ, Şəki və Zaqatalaya ekskursiyamız çox maraqlı keçir”.
Bölmənin digər xəbərləri
