“Türk Hava Yolları” Avropada birinciliyini qoruyur
İstanbul, 11 may, AZƏRTAC
“Türk Hava Yolları” (THY) mayın ilk həftəsində Avropa üzrə gündəlik ən çox reys həyata keçirən aviaşirkət olub.
AZƏRTAC xəbər verir ki, pandemiya dövrü olmasına baxmayaraq, THY hər gün 500-dən çox reys həyata keçirir.
Bu siyahıda ikinci sırada gündəlik 392 uçuşla Fransanın “Air France”, üçüncü yerdə isə 377 uçuşla Almaniyanın “Lufthansa” aviaşirkəti qərarlaşıb.
Qeyd edək ki, 2020-ci ildə Beynəlxalq Hava Limanları Şurası (ACI) tərəfindən “Hava limanı sağlamlıq akkreditasiyası” proqramı çərçivəsində sertifikat alan ilk aeroport olan İstanbul hava limanı, eyni zamanda, keçən il daşıdığı sərnişin sayına (23 milyon 409 min 132 sərnişin) görə də Avropada birinci olub.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
