TÜRKİYƏ ƏRAZİSİNDƏ MÜƏYYƏN LƏNGİMƏ HALLARI TEXNİKİ SƏBƏBLƏRLƏ BAĞLIDIR
Bakı-Tbilisi-Ceyhan neft kəmərinin Türkiyə ərazisindən keçən hissəsindəki inşaat işləri göstərir ki, orada heç bir problem yaranmamışdır. Qeydə alınan müəyyən ləngimə halları yalnız texniki-təşkilati səbəblərlə - işin lazımi səviyyədə təşkil olunmaması, müqavilələrin vaxtında bağlanmaması, işçi qüvvəsinin lazımi səviyyədə cəlb edilməməsi və sairə ilə bağlıdır. Burada heç bir siyasi səbəb yoxdur.
Bu fikri müxbirimizə bildirən ARDNŞ-in prezidenti Natiq Əliyev demişdir ki, ümumiyyətlə, “Azəri-Çıraq-Günəşli” yataqlarının işlənilməsi və Bakı-Tbilisi-Ceyhan layihələri üzrə işlər pis getmir. “Şahdəniz” və Cənubi Qafqaz boru kəməri layihələri ilə bağlı görülən işlər də göz qabağındadır. Cədvəldə nəzərdə tutulan işlər vaxtından əvvəl yerinə yetirilir.
Bölmənin digər xəbərləri
