Türkiyə milli təhlükəsizlik siyasətini yeniləyir
Ankara, 28 fevral, AZƏRTAC
Türkiyə Prezidenti Rəcəb Tayyib Ərdoğan müasir dövrün xarici və daxili çağırışları fonunda milli təhlükəsizlik siyasətinin yenilənməsi tapşırığını verib.
AZƏRTAC Türkiyə mediasına istinadla xəbər verir ki, qardaş ölkənin Milli Təhlükəsizlik Şurasının Katibliyi dövlətin təhlükəsizlik siyasətinin əsaslarını formalaşdıran sənədin yenilənmiş redaksiyada hazırlanan variantına daxil edilməsi üçün nazirlik və idarələrə tövsiyə və təkliflərini təqdim etməyi tapşırıb.
Məlumatlara görə, Türkiyənin milli təhlükəsizlik siyasəti üzrə yekun layihə Rəcəb Tayyib Ərdoğanın sədrliyi ilə keçiriləcək Milli Təhlükəsizlik Şurasının aprel iclasında müzakirə olunacaq.
Türkiyənin milli təhlükəsizlik siyasəti son çağırışlar və ölkəyə qarşı təhdidlərlə əlaqədar mütəmadi olaraq yenilənir.
Sənədin əvvəlki redaksiyasının geniş ictimaiyyət üçün qapalı olan müzakirəsi 2019-cu il sentyabrın 30-da Milli Təhlükəsizlik Şurasında olub.
Bölmənin digər xəbərləri
