Türkiyə Superliqasının bərpa olunacağı tarix açıqlanıb
Bakı, 13 dekabr, AZƏRTAC
Futbol üzrə Türkiyə Superliqasında oyunların bərpa olunacağı tarix açıqlanıb.
AZƏRTAC xəbər verir ki, bu barədə Türkiyə Futbol Federasiyasının (TFF) prezidenti Mehmet Böyükekşi mətbuat konfransında məlumat verib.
O bildirib ki, ölkə çempionatı dekabrın 19-da XVII turun matçları ilə davam edəcək. Bu həftə keçirilməsi nəzərdə tutulan XVI turun qarşılaşmaları isə 2024-cü il yanvarın 10-da oynanılacaq.
Qeyd edək ki, Türkiyə Superliqasının XV turunun “Ankaragücü” - “Rizəspor” oyunundan (1:1) sonra meydan sahiblərinin prezidenti Faruk Koca meydana daxil olaraq baş hakim Halil Umut Meleri yumruqla vurub. Bu səbəbdən Türkiyə Futbol Federasiyası bütün liqalarda matçların qeyri-müəyyən müddətədək təxirə salınmasına qərar vermişdi.
Bölmənin digər xəbərləri
