TÜRKİYƏ XARİCİ İŞLƏR NAZİRİNİN ABŞ-A SƏFƏRİ BAŞLANMIŞDIR
AZƏRTAC-ın xüsusi müxbiri xəbər verir ki, Abdullah Gül səfər əsnasında “Vaşinqton Post” qəzetinin redaktorunu qəbul edəcək, Amerikada fəaliyyət göstərən Türk-Amerika Dostluq Cəmiyyətinin və ölkədəki yəhudi təşkilatlarının nümayəndələri ilə də görüşəcəkdir.
ABŞ-a yola düşməzdən əvvəl hava limanında jurnalistlərin suallarına cavab verən Abdullah Gül bu səfəri yalnız İraqdakı vəziyyətlə əlaqələndirməyin düzgün olmadığını vurğulamış, Amerika rəsmiləri ilə görüşlər zamanı iki ölkə arasında siyasi və iqtisadi sahələrdə əməkdaşlıq , bir sıra regional və beynəlxalq məsələlər barədə fikir mübadiləsi aparılacağını bildirmişdir.
Bölmənin digər xəbərləri
