Türkiyədə ağır yol-nəqliyyat hadisəsi baş verib, azı 12 nəfər ölüb
Bakı, 7 may, AZƏRTAC
Türkiyənin Hatay vilayətində ağır yol-nəqliyyat hadisəsi baş verib.
AZƏRTAC xəbər verir ki, bu barədə Türkiyənin səhiyyə naziri Fahrettin Koca tviter hesabında yazıb.
Nazir qeyd edib ki, Antakyanın Topboğazı ərazisində baş verən zəncirvari qəzada 12 nəfər ölüb, 31 nəfər xəsarət alıb. Xəsarət alanlardan 3-nün vəziyyəti ağırdır.
Hadisə yerinə təcili yardım avtomobilləri cəlb edilib.
Qeyd olunub ki, yük avtomobili ilə avtobusun toqquşması nəticəsində yanğın baş verib.
Bölmənin digər xəbərləri
