Türkiyədə koronavirusdan sağalan xəstələrin sayı 78 mini ötüb
Ankara, 7 may, AZƏRTAC
Türkiyənin yeni növ koronavirus (COVID-19) infeksiyasına qarşı tədbirləri öz nəticəsini verməkdədir. Mayın 5-də ölkə üzrə 30 min 303 nəfər üzərində test aparılıb. Onlardan 2253 nəfər xəstə çıxıb.
AZƏRTAC xəbər verir ki, bu barədə son rəqəmləri nazir Fahrettin Koca sosial şəbəkədə paylaşıb. Bildirilir ki, gün ərzində 4 min 917 nəfər sağalıb, 64 nəfər dünyasını dəyişib. Bununla da, ölkə üzrə sağalananların sayı 78 min 202 nəfərə çatıb. Bu vaxtadək 1 milyon 234 min 724 nəfər test edilib.
Qeyd edək ki, Türkiyədə COVID-19 pandemiyası ilə mübarizədə tətbiq olunan qadağalar mərhələli şəkildə yumşaldılır. İlkin mərhələyə mayın 11-dən başlanılacaq.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
