Türkiyənin BMT yanında yeni daimi nümayəndəsi vəzifəsinin icrasına başlayıb
Bakı, 22 fevral, AZƏRTAC
Türkiyənin Birləşmiş Millətlər Təşkilatı (BMT) yanında yeni daimi nümayəndəsi səfir Sedat Önal etimadnaməsini Baş katib Antonio Quterreşə təqdim edərək vəzifəsinin icrasına başlayıb.
AZƏRTAC “TRT HABER”ə istinadla xəbər verir ki, Antonio Quterreş Sedat Önalı BMT-nin Nyu-Yorkdakı mənzil-qərargahında qəbul edib.
Məlumata görə, Quterreş və Önal arasında keçirilən görüşdə Türkiyədə baş verən güclü zəlzələlərdən sonra BMT-nin beynəlxalq ictimaiyyətin humanitar yardım göstərilməsi üçün səfərbər edilməsində rolunu davam etdirməsinin və Türkiyə ilə tam həmrəylik nümayiş etdirməsinin əhəmiyyəti vurğulanıb. Bundan əlavə, Türkiyə ilə BMT arasında əməkdaşlıq məsələlərindən danışılıb.
Bölmənin digər xəbərləri
