Türkiyənin dövlət rəsmiləri Balıkesirdə meydana gələn partlayışla bağlı açıqlama veriblər
İstanbul, 24 dekabr, Günel Karatepe, AZƏRTAC
Balıkesir şəhərində baş verən partlayışla bağlı Türkiyənin milli müdafiə naziri Yaşar Güler, daxili işlər naziri Ali Yerlikaya və əmək və sosial müdafiə naziri Vedat İşıkhan mətbuata birgə açıqlama veriblər.
AZƏRTAC xəbər verir ki, Vedat İşıkhan partlayıcı vasitələr istehsal edilən fabrikdə meydana gələn hadisənin təsirindən tikilinin tavan hissəsinin çökdüyünü, başladılan axtarış-xilasetmə işləri nəticəsində 11 nəfərin həlak olduğu, 7 nəfərin isə yaralandığının müəyyən edildiyini bildirib.
Qeyd edilib ki, ümumilikdə 615 nəfərin işlədiyi fabrik fəaliyyət istiqamətinin təhlükə səviyyəsi nəzərə alınaraq mütəmadi nəzarət altında saxlanılıb. Son dəfə avqust ayında aparılan yoxlamalarda hansısa mənfi hal aşkarlanmayıb.
Ali Yerlikaya hadisənin ardından verilən ilkin açıqlamada 12 nəfərin həlak olması ilə bağlı xəbərin yeniləndiyini və partlayış nəticəsində 11 nəfərin həyatını itirdiyini deyib.
Hadisə ilə bağlı araşdırma başladılıb.
Bölmənin digər xəbərləri
