Türkiyənin Qızıl Aypara Cəmiyyəti tərəfindən 16 ölkədə qurban kəsimi aksiyasına başlanılıb
İstanbul, 31 iyul, AZƏRTAC
Türkiyənin Qızıl Aypara Cəmiyyəti tərəfindən ölkə ərazisində, eyni zamanda, Afrika, Asiya və Yaxın Şərqdə olmaqla dünyanın 16 ölkəsində qurban kəsimi aksiyasına başlanılıb.
AZƏRTAC xəbər verir ki, bu ənənə cəmiyyət tərəfindən artıq 14 ildir davam etdirilir.
Cəmiyyətdən verilən məlumata görə, Türkiyə vətəndaşları aksiyada fəal iştirak edirlər. Qurbanların kəsimi cəmiyyətin əməkdaşları tərəfindən gigiyena qaydalarına uyğun olaraq aparılır.
Qeyd edilib ki, 2019-cu ildə analoji aksiya dünyanın 50-yə yaxın ölkəsində baş tutub.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
