TÜRKMƏNİSTANIN MÜSTƏQİLLİYİNİN 13-CÜ İLDÖNÜMÜ İLƏ BAĞLI BRİFİNQ KEÇİRİLMİŞDİR
Türkmənistanın Özbəkistandakı səfiri Sultan Pirməhəmmədov öz ölkəsində müstəqillik əldə olunduqdan sonra görülən işlər haqqında geniş məlumat vermişdir. O demişdir ki, müstəqillik illərində ölkə iqtisadiyyatına 33 milyard dollardan artıq sərmayə qoyulmuşdur. 1400-dən çox istehsal və sosial-məişət obyekti tikilmişdir. Bunların 400-ü mədəni-məişət istiqamətlidir.
Səfir qeyd etmişdir ki, 2005-ci ildə büdcədən maliyyələşən idarə və təşkilatlarda işləyən əməkdaşların maaşları 2003-cü ilə nisbətən 50 faiz qaldırılacaq. Ölkədə əhaliyə qaz, su, elektrik enerjisi, duz pulsuz verilir. Mənzil haqqı isə çox cüzidir.
S.Pirməhəmmədovun sözlərinə görə, müstəqillik gününə qədər Aşqabadda Dünya Türkmənləri Humanitar Assosiasiyasının VIII konfransı keçiriləcək. Dünyanın 30 ölkəsindən bu konfransa nümayəndələr gələcək.
Oktyabrın 23-24-də isə Türkmənistan paytaxtında Xalq Məsləhətinin XV iclası olacaq və burada ölkənin həyatı ilə bağlı bir sıra məsələlər müzakirə ediləcək.
Bölmənin digər xəbərləri
