UEFA KUBOKU TURNİRİ QRUP MƏRHƏLƏSİNİN PÜŞKÜ ATILMIŞDIR
AZƏRTAC xəbər verir ki, oktyabrın 7-də İsveçrənin Nyon şəhərində futbol üzrə UEFA kubokunun 2008-2009-cu il turniri qrup mərhələsinin püşkü atılmışdır. Bu mərhələyə vəsiqə qazanmış Avropanın 40 klubu hərəsində beş komanda olmaqla 8 qrupda cəmləşdirilmişdir.
Qardaş Türkiyənin turnirdə mübarizə aparan yeganə təmsilçisi “Qalatasaray” klubu qrupda Portuqaliyanın “Benfika”, Almaniyanın “Herta”, Yunanıstanın “Olimpiakos” və Ukraynanın “Metallist” komandaları ilə qarşılaşacaqdır.
Bu mərhələdə klublar bir-biri ilə cəmi bir dəfə görüşəcək və dörd oyunun nəticəsinə əsasən, qrupda I-III yerləri tutmuş komandalar turnirin onaltıdabir mərhələsinə çıxacaqlar.
Xatırladaq ki, 2009-2010-cu il mövsümündən başlayaraq UEFA kuboku turnirinin yeni adı UEFA-nın Avropa liqası olacaq və turnirin formatında dəyişiklik ediləcəkdir.
Bölmənin digər xəbərləri
