“Uilyams” 2019-cu il mövsümündən sonra Kubitsanın gedəcəyini təsdiq edib
Bakı, 19 sentyabr, AZƏRTAC
“Uilyams” 2019-cu il mövsümündən sonra polyak pilot Robert Kubitsanın komandanı tərk edəcəyini təsdiqləyib.
AZƏRTAC xəbər verir ki, Kubitsa 2011-ci ilin fevralındakı ralli zamanı aldığı ağır travmalardan sonra Formula 1-ə qayıda bilib. 2018-ci ildə “Uilyams”ın ehtiyat pilotu, 2019-cu ildə kollektivin mükafatlı yer tutmuş pilotu olub.
Komanda Kubitsanın bu sözlərini sitat gətirib: “Son iki mövsümə və Formula 1-ə qayıtmaq üçün göstərilən yardıma görə komandaya təşəkkür etmək istəyirəm. Mən “Uilyams”da həm ehtiyat pilot, həm də mükafatlı pilot statusunda vaxtımı xoş keçirdim”.
Kubitsa Formula 1-də bir qələbə qazanıb. O, 2008-ci ildə “BMV-Zauber”in heyətində Kanada Qran-Prisini udub.
Bölmənin digər xəbərləri
