UKRAYNA ALİMLƏRİ KREASİONİZMİN TƏDRİS OLUNMASINI TƏKLİF EDİRLƏR
Milli Elmlər Akademiyasının Nüvə Tədqiqatları İnstitutunun şöbə müdiri Vladislav Olxovski bununla əlaqədar Kiyevdə mətbuat konfransında demişdir: “İndi alimlərin xeyli hissəsi Çarlz Darvinin insanın təkamül yolu ilə meymundan əmələ gəldiyi barədə baxışlarına şərik deyildir. Ümumiyyətlə, dünyanın əmələ gəlməsinə dair bir neçə nəzəriyyə, o cümlədən kreasionizm nəzəriyyəsi var. Lakin Ukrayna dərsliklərində ancaq təkamül-materialist nəzəriyyə əksini tapmışdır”.
MEA-nın Süni İntellekt Problemləri İnstitutunun direktoru Anatoli Şevçenko isə bildirmişdir ki, ölkənin bir qrup alimi Təhsil və Elm Nazirliyinə müvafiq təkliflər göndərmişdir. Ekspertlər Şurası kreasionizmin əsaslarına dair dərsliyin layihəsini öyrənir. Onu gələn dərs ilindən məktəblərdə fakültativ tədris üçün tövsiyə etmək nəzərdə tutulur.
Kreasionizm nəzəriyyəsi Bibliyada şərh olunmuş kosmoloji təsəvvürləri (kosmologiya kainatın quruluşu haqqında nəzəriyyədir) hərfi mənada yozur, kainatın və həyatın təkamülünə dair elmi məlumatın əksər hissəsini inkar edir. Dini konsepsiya olmasına baxmayaraq, kreasionizm elm statusu almaq iddiasındadır. Bu isə məktəb təhsil proqramları ilə əlaqədar dəfələrlə münaqişələrə səbəb olmuşdur.
Bölmənin digər xəbərləri
