Ukrayna Mərkəzi Seçki Komissiyası iki nəfərin prezidentliyə namizədliyini qeydə almayıb
Kiyev, 12 yanvar, AZƏRTAC
Ukrayna Mərkəzi Seçki Komissiyası Vitali Veliçenkonun və Viktor Farenyukun prezidentliyə namizədliyini qeydə almayıb.
AZƏRTAC xəbər verir ki, bu barədə MSK-nın cümə axşamı keçirilən iclasında qərar qəbul edilib. MSK onların hər ikisinin tələb olunan 2,5 milyon qrivna dəyərində girov qoymadığından, elektron deklarasiyanı doldurmadığından namizədliyini qeydə almayıb.
Hazırda MSK 5 nəfərin prezidentliyə namizədliyini qeydə alıb.
Xatırladaq ki, Ukraynada prezident seçkisi martın 31-də keçiriləcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
