UKRAYNA PREZİDENTİ LEONİD KUÇMA PREZİDENT HEYDƏR ƏLİYEVİN DƏFN MƏRASİMİNDƏ İŞTİRAK ETMİŞDİR
Böyük dövlət xadimi, dünya miqyaslı siyasətçi, Azərbaycanın ümummilli lideri Prezident Heydər Əliyevin dəfn mərasimində iştirak etmək üçün Ukraynanın Prezidenti Leonid Kuçma dekabrın 15-də Bakıya gəlmişdir. Ukrayna dövlətinin başçısını Binə hava limanında Azərbaycan Respublikasının Baş naziri Artur Rasizadə qarşılamışdır.
Prezident Leonid Kuçma AZƏRTAC-ın müxbirinə demişdir: “Azərbaycanın əvəzsiz lideri Heydər Əliyev mənim və Ukrayna xalqının yaxın dostu idi. Bizim dostluq münasibətlərimiz onun sayəsində inkişaf etmişdir. Heydər Əliyev dahi insan, müdrik şəxsiyyət idi. Əminəm ki, Azərbaycan xalqı Heydər Əliyevin böyüklüyünü hələ bundan sonra daha dərindən dərk edəcəkdir.
Bölmənin digər xəbərləri
