UKRAYNADA ALİ MƏKTƏBLƏRƏ QƏBUL İMTAHANLARI LƏĞV EDİLƏCƏK

10.05.2006 [12:01]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Ukraynanın təhsil və elm naziri Stanislav Nikolayenko ali məktəblərə qəbul imtahanlarının ləğvi ilə bağlı eksperimentin başlandığını elan etmişdir.

Onun sözlərinə görə, artıq bu il 40 min Ukrayna məktəblisi qəbul imtahanları vermədən ali məktəblərə daxil ola biləcəkdir. Bundan məqsəd ali məktəblərdə korrupsiyanın qarşısını almaq və abituriyentlərin real bilik səviyyəsini müəyyənləşdirməkdir. Məzunların attestasiyası ilə müstəqil ekspertlərdən ibarət xüsusi “Bilik mərkəz”ləri məşğul olacaqdır. Bu mərkəzlərdə keçirilən testlərin nəticələri məzunlara verilən sertifikatlara yazılacaqdır.

Abituriyentlər ali məktəblərə məhz bu sənədlər əsasında qəbul olunacaqlar. İslahat təşəbbüskarlarının fikrincə, bu, qəbul komissiyalarının “lazımlı” adamları seçməsinin qarşını alacaqdır.

Eksperiment uğurlu olarsa, bu təcrübə artıq 2007-ci ildə Ukraynanın bütün ali məktəblərində tətbiq ediləcəkdir.